PASSENDU...

U carru di a lingua_4

Oghje, feraghju dui passi in daretu da rivene à ottobre, mese caru in core meu per diverse ragione…

O mà

senti u riu cantà

ch’hà ritrovu speranza

in a piossa righjunta

senti a terra muscà

ch’ora esce u sprignolu

in e cappie sprimunte

guarda u ghizu sgrignà

u bellu fruttu moru

è u boscu incalfà

u so mantellu d’oru

ghjè ottobre

è per tè

piglia muta u mondu

u serenu hè biondu

Possi ‘stu calge uttubrinu esse pienu di fede è spampillante di gioie natalesche per voi tutti !

Vucabulariu :

U riu (u rìu) : le ruisseau. Ogni cent’anni l’acqua ritorna à u so riu : l’eau retourne à sa source tous les cent ans ( peut s’appliquer à une personne qui s’est absentée pendant longtemps)

U sprignolu : le cèpe

E cappie : les cistes, plus couramment appelés chez nous i muchji

E cappie sprimunte : les cistes déssèchés par les chaleurs de l’été

U ghizu : ( plus couramment appelé u gricciu ou u gricciulu dans les autres régions) la bogue de châtaigne. Avè i ghizi( o i gricciuli) in stacca : ne pas mettre facilement la main à la poche

Incalfà : enfoncer ( incalfà un cappellu : enfoncer un chapeau sur la tête)

Una muta : une transformation, un changement, une mue

(Fringhellu)