U carru di a lingua_5
Natale
hè quì. Allevati è curati cum’è u basilgu nant’à u balcone,
i zitelli d’oghje sanu, pè a megliò parte, chì babbu Natale hè
danciu ; è i parenti cuntenti, elli, d’essesi messi in frazu
per l’occasione. Cuntenti ancu di più i merchenti chì anu
sappiutu torce a fede à contu soiu. Fendu passi in daretu di
parechji anni, mi n’avvecu, trattendusi soprattuttu di i ghjoculi
rigalati, ch’è no simu passati da u pocu-nunda à l’assai-troppu.
Serà chì ùn avemu più abbastanza ghjudiziu di lacacci andà à
tanti inutuli soprappiù o serà a mo discursata chì piglia l’altu
di l’anticogna ? Sò ind’u dubitu sapete ma mi piace oghje
di parlavvi di u ghjocu di u sollu chì ùn custava nunda è chì
empiia di piaceri a nostra zitellina. I tempi ùn sò più quelli !
Ma, quantunque, pensendu à certe tribulere di tandu, mi dicu :
ancu di grazia !
U ghjocu di u sollu, omancu quellu ch’aghju cunnisciutu è praticatu eu, era un ghjocu cumplettu chì dumandava à i cumpetitori sgualtrezza, maestria è malizia. Oghje ghjornu si pò paragunà cù u "badminton", fora chì u "volant" era rimpiazzatu pè un sollu tufunatu cù a so carta fine chì u mantenia di manera più faciule in l’aria. E partite si ghjucavanu di solitu in vintunu punti, solu à solu o dui contr’à dui. Omu tracciava in terra dui grandi circuli, di circa 3 metri di diamitru, à una distanza di circa 4 metri unu di l’altru. Una riga diritta ind’u mezu separava i dui campi di l’intuppicciata. Si marcava un puntu quand’omu ghjunghjia à mandà u sollu dentru à circulu oppostu senza chì u so difenditore a possi impedì. A riga di u mezu pudia esse francata à cundizione d’esse in pusessu di u sollu. Tutte e fisiche è e macagne eranu permesse. Omu pudia aduprà cù u sollu pedi, dinochje, pettu, spalla, capu, bracce fora di e mane. Da zitellu, ghjucavamu ore sane à ‘ssu ghjocu malgradu e cuntestazione è e lite ch’ellu facia nasce. Di quelle chì aiutanu à ingrendà. Eranu fatte d’un sollu tufunatu e nostre play station !
U ghjocu di u sollu, omancu quellu ch’aghju cunnisciutu è praticatu eu, era un ghjocu cumplettu chì dumandava à i cumpetitori sgualtrezza, maestria è malizia. Oghje ghjornu si pò paragunà cù u "badminton", fora chì u "volant" era rimpiazzatu pè un sollu tufunatu cù a so carta fine chì u mantenia di manera più faciule in l’aria. E partite si ghjucavanu di solitu in vintunu punti, solu à solu o dui contr’à dui. Omu tracciava in terra dui grandi circuli, di circa 3 metri di diamitru, à una distanza di circa 4 metri unu di l’altru. Una riga diritta ind’u mezu separava i dui campi di l’intuppicciata. Si marcava un puntu quand’omu ghjunghjia à mandà u sollu dentru à circulu oppostu senza chì u so difenditore a possi impedì. A riga di u mezu pudia esse francata à cundizione d’esse in pusessu di u sollu. Tutte e fisiche è e macagne eranu permesse. Omu pudia aduprà cù u sollu pedi, dinochje, pettu, spalla, capu, bracce fora di e mane. Da zitellu, ghjucavamu ore sane à ‘ssu ghjocu malgradu e cuntestazione è e lite ch’ellu facia nasce. Di quelle chì aiutanu à ingrendà. Eranu fatte d’un sollu tufunatu e nostre play station !
BON
NATALE À TUTTI È COLME E VOSTRE GIOIE !
Vucabulariu :
Allevatu
è curatu cum’è u basilgu nant’u balcone : élevé
et soigné avec beaucoup d’attentions
Mettesi
in frazu : se mettre en quatre ( u frazu :
le gaspillage)
Piglià l’altu
: aigrir ( piglia l’altu di l’anticogna : aigri
du fait de la ringardise)
Intuppicciata : rencontre,
heurt
Fisiche
è macagne : feintes et plaisanteries
E
lite: les querelles, les chamailleries
Aucun commentaire:
Enregistrer un commentaire