PASSENDU...

U carru di a lingua_13

Scrivu nant’à parolle di ventu
Ch’ùn balluleghjanu chè per mè

Purtantu mai mi ne pentu

Di i mo corci puemi sò u rè…

Care parolle di a a mo zitellina : vi cercu, vi sentu, mi dite ! Mi dite u piacè di e scuperte, u sullevu di i ricordi ; site u ricoveru di e mo sulitudine. Inseme, ci campemu ! Ma, à le volte, mi dite u dispiacè di u scordu, a pena di pettu à u disprezzu. Tandu mi frighjenu e mo parolle manse…

Mi frighjenu quand’elle si ammutuliscenu è chì s’ammachjanu l’ochji. Hè dura di truvà un accunsentu veru nantu a manera di fà campà una lingua. « U carru di a lingua » li hà pruvata ma ùn ci l’hà fatta. Forse, ci vulerà u antru carru, novu, un antru carritteru, giovanu, un’antra andatura, muderna. Intantu, questu quì u femu piantà chì sò più i capatoghji trovi chè i sustegni. Ma sò cunvintu di l’impurtenza di fà una piazza à una spressione in lingua corsa in stu media quì. In chì manera(e) ? Per contu meu, ci rifletteraghju ma ci pudete riflette ancu voi postu chì l’avvene di a lingua deve esse l’affare di tutti è micca solu quellu d’un povaru fringhellu.

Ps : U mo panatteru mi parlava, ùn hè tantu, di quandu ellu ghjucava, tempi fà, à ballò. Ellu stessu ghjucava in difesa. A tattica tandu era sempre a listessa. Si traducia cusì, à voce lintata, da i rispunsevuli chì si tenianu à latu di u terrenu : « fatele cullà, fatele cullà !» (e palle) o sinnò « fatele falà, fatele falà ! » (e tambate). Quandu m’accade d’assiste à certe partite, mi stupisce di vede chì ‘ssa tattica hè sempre in usu oghje. Ma micca solu nantu à i campi di ballò. Peccatu !

J’écris sur des paroles de vent

Qui ne s’agitent que pour moi

Jamais je ne le regrette pourtant

De mes pauvres poèmes je suis le roi…

Chères paroles de mon enfance : je vous cherche, je vous sens, vous me dites ! Vous me dites le plaisir de la découverte, le réconfort des souvenirs ; vous êtes le refuge de mes solitudes. Ensemble, nous passons de bons moments ! Mais, parfois, vous me dites le désagrément dû à l’oubli, la peine face au dédain. C’est alors que j’ai mal à mes paroles paisibles…

Elles me font mal quand elles deviennent muettes et que s’embuent les yeux. C’est dur de trouver un vrai consentement sur la manière de faire vivre une langue. « U carru di a lingua » a essayé mais il n’y est pas parvenu. Sans doute, faudra-t-il une autre charrette, neuve, un autre charretier, jeune, une autre démarche, moderne. En attendant, nous arrêtons là celui-ci car les tracas rencontrés sont plus présents que les soutiens. Mais je suis convaincu de l’importance de faire une place à l’expression en langue corse dans ce média. De quelle(s) manière(s) ? Pour ce qui me concerne, je vais y réfléchir mais vous pouvez y réfléchir vous aussi puisque l’avenir d’une langue doit être l’affaire de tous et non pas seulement celle d’un pauvre pinson.

Ps : Mon boulanger me parlait, récemment, de l’ancien temps où il jouait au foot. Lui-même jouait en défense. La tactique en usage à l’époque était invariable. Elle se traduisait ainsi , à gorge déployée, par les responsables qui se tenaient en bordure du terrain : « Faites-les monter ! faites-les monter ! » (les ballons) ou sinon : « faites-les descendre ! faites-les descendre ! » (les coups). Quand il m’arrive d’assister à certains matchs, je m’étonne de voir que cette tactique est toujours en usage aujourd’hui. Mais pas seulement sur les terrains de foot. Hélas !
(Fringhellu)