PASSENDU...

U 5 di maghju 1995 hè statu un veru scumpientu pè a Corsica sana purtenduli doli amari è ferite di quelle chì anu toccu a so ghjente à u prufondu. A memoria hè sempre viva è si pone sempre oghje a dumanda di sicurezza in tutte e manifestazione induve si ficca l’ingurdizia di u sollu…

Malasorte

Veranu tramulava cusì belle prumesse,

In fiòrisi i cori l’eranu tutti anch’elli,

À buleghju, i canti, à risate è scumesse

Chjappavanu à l’insù cum’è voli d’acelli.

Infrisgittata a notte, passu passu venia,

Da fulmini scurtata cum’è toru di focu ;

U moru imbanderatu guasi ch’ellu ridia,

Incarcati i ferri, nunda trimava più indocu.

Ma la sorte ch’in lu mentre à l’insottu curria

Tra i lesini pedi di u palcu scuscesu,

Di lampà in un bottu cusì bella alegria

Cum’è granu maturu d’una falge surpresu…

O mani fatate di a santa voglia

Francateci da a manu chì santavuglia !

(Fringhellu)

Mauvais sort

Le printemps annonçait de si belles promesses

Épanouis les cœurs l’étaient tout aussi

Les chants au milieu de paris et de rires

S’élevaient comme des envols d’oiseaux

Enrubannée la nuit tout doucement venait

Escortée de pétards comme un taureau de feu

Le maure dans sa bannière en souriait un peu

Assuré qu’il était que rien ne pouvait trembler

Mais le sort qui furtivement courait en-dessous

Entre les pieds fragiles de l’abrupte tribune

De jeter soudain à terre cette belle allégresse

Comme un épi de blé mûr surpris par la faux

Ô mains magiques de la sainte volonté

Épargnez-nous la main qui épouvante !