PASSENDU...

Zoccanu u silenziu di a volta stellata, i rimori di e longhe notte tepide d’estate frà i quali i canti, vicini è luntani, di l’acellame nuturnu. Mi piace à mè di stà à sente u chjama è rispondi fattu da un ciocciu à l’altru…

Ciocciu

O quantu ti cunnoscu

ti sentu pè u boscu

chì batti l’acciarinu

à u circunvicinu

quandu i lumi sò spenti

è chì collanu i pienti

I teni l’ochji sveghjuli

è dentru à piume folte

azzechi in centu veculi

e pene di a notte

Chiò !...chiò !...

Quì oh !... Quì oh !…

Sò quì !...Sò quì !...

Chjò !

Vucabulariu

Zoccanu (v.zuccà) : sculptent

Acellame (o acellume) n.m.: les oiseaux, en général

U ciocciu : le hibou

U boscu : le bosquet

Batte l’acciarinu : tenir la chandelle. L’acciarinu étant le briquet en acier (l’acciaru) utilisé naguère.

U circunvicinu : le voisinage

L’ochji svèghjuli : les yeux éveillés

Folte : denses, drues, serrées

Azzechi (v.azzicà) : tu berces

In centu vèculi : en cent berceaux

( Fringhellu)