PASSENDU...

Hè ghjuntu u pettirossu. S’hè cansatu, cum’è di solitu, in l’ortu meiu. Mi guarda zittu mottu. Ùn mi cunnoscerà più ? Purtantu, annu scorsu…(Favuletta)

Pettirossu

Sì scrianzatu o Pettirossu

di scherzighjà a zappa nova

chì dinanzu à u francalossu

zappa zappa…è nunda trova.

Mi dicerai à cosa ghjova

techju di vermi è pangrossu

di pisalli in cresta a coda

è po – oh ! lu bruttu ! - falli à dossu.

Ti sì fattu dopu una cantichjata

in a cima di a pianta grassa

per l’incantu di a to innamurata.

À mè chì facia l’ochji à ghjassa

m’ai lampatu un’ accorta trillata

per dimmi : godi di l’ora chì passa !

Il est arrivé le rouge-gorge. Il s’est arrêté, comme d’habitude, dans mon jardin. Il me regarde, taciturne. Ne me reconnaît-il plus ? Pourtant,  l’an dernier…(Petite fable)

Rouge-gorge

C’est très impoli rouge-gorge

de railler la nouvelle pioche

qui devant l’épouvantail

gratte, gratte…et rien ne trouve

Tu me diras à quoi ça sert

repu de vers et obèse

de lever ta queue sur la panne

pour y laisser - oh ! le vilain !- ta fiente

Tu as poussé ensuite la chansonnette

sur la cime d’une plante grasse

pour l’enchantement de ta belle

Et à moi qui plissais les yeux

tu m’as lancé un aimable trille

pour me dire : profite de l’heure qui passe !

(Fringhellu)