francais : achillée, espèce de mille-feuilles
définition : BOTANICA. MEDICINA. Pianta erbacea di a famiglia di e Cumposte cù foglie minute chì serianu emostatiche: l’achillea capace d’attagnà u sangue. Era aduprata cum’è unguente per curà e svugliture. Si nè facia impiastri pè e pugniture è per fà maturà i brisgioli. U venneri Santu si mettia in e frittelle (Evisa,Castagniccia)
.malba, marba, malva, malma, nalva
francais : mauve
définition : lat.sc. Malva silvestris.- BOTANICA. Pianta di a famiglia di e Malbacee, à fiori rosuli o viulaci, assai aduprata in e medicine populare. Ci n’hè duie varietà, una hà un crustone, l’altra micca. Li piace a terra grassa. Si coglie di maghju è di ghjugnu quand’ella hè fiurita. À luna vechja per cunservalla. Tutta a pianta era utilizata. E fronde lampate in l’acqua bollente è pistate servianu d’impiastru pè i dulori, i brisgioli, i lupini. A tisana di fronde hè bona pè lavà a bocca, pè a tossa di pettu, per lavà e ferite, pè i lavativi. U fiore bullitu servia per lavà e criature. A tisana di i fiori hè bona pè a digestione, pè u core, è pè e zingature di e vespe. A radica era aduprata in tisana per urinà è lavà e piaghe.
Texte extrait de INFCOR, banque de donnée en langue corse.
Aucun commentaire:
Enregistrer un commentaire