𝕰𝖑𝖙𝖍𝖎𝖓 - Je vivroie liement (Guillaume de Machaut)
Je vivroie liement
Douce creature
Se vous saviés vraiement
Qu'en vous fust parfaitement ma cure
Dame de meintieng joli
Plaisant, nette et pure
Souvent me fait dire 'ai mi'
Li maus que j'endure
Pur vous servir loyaument
Et soié seure
Que je ne puis nullement
Vivre einsi se longuement
Me dure
Je vivroie liement...
Car vous m'estes sans mercy
Et sans pité dure
et s'avés le cuer de mi
Mis en tel ardure
Qu'il morra certeinnement
De mort trop obscure
Se pour son aligement
Merci n'est procheinnement
Meure
Je vivroie liement...
Aucun commentaire:
Enregistrer un commentaire