PASSENDU...

U carru di a lingua_3

Oghje, circhendu induv’ella si tenia a puesia, mi ne stò à bizzicu chjosu ch’ùn aghju trovu a risposta chì cunvene. Ah ! l’averà u so locu ‘ssa vizzosa, ciattu ciattu, ind’u core. Ma falla esce da custì ùn hè cosa asgiata. À quandu, inveranita, innamurata, appassiunata, vole esce in un borru ch’ùn si po parà, ma tandu, puru essendu sincera, sfogu è frazu sò à parità. Accade cusì ch’ell’abbia e so stonde di diciulella. À quandu, ella hè spizzica è ùn vi cappia chè duie parolle pisate, misurate ma pronte aspessu, alisparte, à piglià u volu. 

Basteranu ! ch’ella vi dice, u pocu face l’assai ! Mi ne cuntenteraghju dunque è à bizzicu sgrignatu vi dicu :

Rossi bachi

Merlu sà

Bizzicu giallu

Tu mi lachi

Persu sò

Pizzicu giallu

Parolle scuperte dentr’à un spechjucciu di cotru. Chjuca a puesia ! penserete. 
Ah ! Ùn sò chè un fringhellu è l’inguernu chì scala mi dà qualchì penseru pè ‘sti lochi ghjalati. À prestu !

Vucabulariu :

U bizzicu : le bec. U pizzicu : le pincement

Ciattu ciattu : tapi

Inveranita ( chì sente u veranu, u rinnovu) : printanière

U borru : le flot

U sfogu ( prununzià sfou) : l’épanchement. Sfugassi : s’épancher, vider son cœur. Dans le Nebbiu le G entre deux voyelles n’est pas prononcé. Ainsi on dira a ragana, u fegatu, un rigalu, ..prononcés raana, featu, rialu. Lorsqu’on entend le son g entre deux voyelles, c’est toujours un C qui l’impose ( u focu, u pizzicu, un pocu, u bacu, e vacanze, macaru, u verbu lacà, u nome Leca…)

U frazu : le gaspillage

Spizzica : ( l’accent tonique est sur la première syllabe : spìzzica). À spizzichera : par petites quantités, en lésinant

Duie parolle : quelques paroles (andemu à facci dui passi)

Alisparte : ailes déployées. À retenir ce procédé très fréquent dans la formation de mots composés en associant, comme ici, le nom et l’adjectif qualificatif. Capibiancu ( blanc en ce qui concerne la tête), gambistortu, manimozzu, pedilesta, spallilargu, corineru, pedipianu, linguifurcutu…etc. De telles associations peuvent concerner aussi deux noms ( u capimachja, u capifocu ) ; un verbe et un nom : un rompistacche, un grattacapu, un picciafocu, un tiratappu ; un nom et un verbe : un terratrema, capiciuttà, bocchipenzulà ; deux verbes  : ci hè statu u scappascappa, u parapiglia, u tiretteni…
Chjuca a puesia : impiegatu d’issa manera l’aggettivu pò fà intende u so cuntrariu ( chjuca a casa ch’ellu s’hè fattu vole dì ch’ellu s’hè fattu una casa bella grande)- Fringhellu